من الواضح ان الشعب ده خد على القفا كتير طبعاً انا مقصدش اهانه واكبر دليل بـ كدا ان انا مصرى وزى ما كانوا بياخدوا انا كنت باخد بس اننا ننتخب فلول دى مصيبه جامده اوى معقول ؟؟؟؟؟؟

محدش عاد مصدق حد ولا بيثق اساساً فى حد واول ما نشاور نشاور على شفيق والمصيبه الاكبر ان المنافس الوحيد له هو رئيس حزب الحريه والعداله يعنى صبحنا فى نص البحر ايه الحل ؟؟؟؟؟؟

انا هقلكم ايه الحل !! سمعتوا طبعاً ان فيه الصين عملت كل حاجه فشنك , وأكبر دليل على كدا انهم قدروا بعقلهم القوى جداً انهم يعملوا حضن صينى . اى كلام يعنى الى هو ده

طبعاً مفاتش عليهم ان فيه بنات تحب العمالقه شوية عشان كدا عملوه كبير , اما بالنسبه للى تحبه رفيع فهيا تضغط عليه شويه بس .

احنا بقى هنطالب الصين انها تخترعلنا رئيس صينى زى اختراع الحضن ده بالظبط . طب قولولى ليه ؟؟؟؟

عشان وقت الجد يكون عملاق , ووقت لما الحضن ميأثرش نضغط عليه فيتنازل ويسيب البلد.